സങ്കീര്‍ത്തനം: 23

യാഹെന്നിടയനാണെന്നതിനാലെനി-

ക്കേതും കുറവ് വരികയില്ല

പച്ചയാം പുല്‍പ്പുറത്തെന്നെക്കിടത്തുന്നു

സ്വച്ഛജലം കുടിപ്പാന്‍ നയിപ്പൂ

ഏകുന്നെനിക്ക് നവോന്മേഷമെന്‍ നാഥന്‍

നേര്‍വഴി തന്നില്‍ നടത്തിടുന്നു

കാരിരുള്‍ മൂടിയ താഴ്വര തന്നില്‍ ന-

ടക്കേണ്ടി വന്നാല്‍ ഭയപ്പെടില്ല

ഉണ്ടെന്റെ ദൈവമെന്‍ കൂടെയവിടുത്തെ-

യൂന്നുവടി ദണ്ഡും ധൈര്യമേകും

എന്‍ വൈരികളേറ്റം ലജ്ജിച്ചിടും വിധ-

മെന്‍ നാഥനേകും വിരുന്നെനിക്ക്

എന്‍ ശിരസ്സെണ്ണയാല്‍ ചെയ്യുമഭിഷേക-

മെന്‍ പാനപാത്രം കവിഞ്ഞിടുന്നു

ജിവിതകാലമെല്ലാം പിന്തുടര്‍ന്നിടു-

മീശന്റെ നന്മയും കാരുണ്യവും

ആമോദമോടെ വസിക്കും ഞാനെന്നാളു-

മീശ്വരന്‍ തന്നുടെ ആലയത്തില്‍