സങ്കീര്‍ത്തനം: 32

സര്‍വേശനില്‍ നിന്ന് പാപക്ഷമ പ്രാപി-

ക്കുന്നവരെത്രയനുഗ്രഹീതര്‍

തന്നുടെ ദൃഷ്ടിയില്‍ കാപട്യം ലേശവു-

മില്ലാത്തോരെത്രയോ ഭാഗ്യവാന്മാര്‍

കുറ്റങ്ങളേറ്റു പറയാതിരുന്നപ്പോള്‍

കുറ്റബോധത്താല്‍ വലഞ്ഞുപോയ് ഞാന്‍

ഒന്നും മറയ്ക്കാതെയേറ്റു പറഞ്ഞപ്പോള്‍

കുറ്റങ്ങളീശന്‍ ക്ഷമിച്ചു തന്നു.

കഷ്ടതകള്‍ പെരുവെള്ളം പോല്‍ വന്നാലു-

മൊട്ടുമേശില്ല ദൈവാശ്രിതരെ

ഈശ്വരന്‍ കാക്കുന്നു കഷ്ടതയില്‍ നിന്നും

രക്ഷകൊണ്ടെന്നെപ്പൊതിഞ്ഞിടുന്നു

നേര്‍വഴിയീശ്വരന്‍ കാട്ടിത്തന്നീടുന്നു

വേണ്ടപ്പോള്‍ നല്‍ചിന്ത നല്‍കിടുന്നു

ഈശന്റെ സ്നേഹമെന്നും ചുറ്റി നിന്നിടു-

മാശ്രയമീശനില്‍ വയ്ക്കുവോരെ