സങ്കീര്‍ത്തനം 67

ഈശ്വരന്‍ നമ്മെയനുഗ്രഹിച്ചീടട്ടെ

കാരുണ്യം നമ്മോട് കാട്ടിടട്ടെ

ഭൂലോകരെല്ലാമറിയട്ടെ തന്നുടെ

ഇഷ്ടവും രക്ഷയേകും ശക്തിയും

ജാതികള്‍ കീര്‍ത്തിക്കട്ടങ്ങയെയീശ്വരാ

ഏവരുമങ്ങയെ വാഴ്ത്തിടട്ടെ

ആഹ്ലാദിക്കട്ടെ ജനതകളാനന്ദ-

കീര്‍ത്തനമാലപിച്ചീടട്ടവര്‍

നീതിയോടീശന്‍ വിധിക്കും ജനങ്ങളെ

നേരായ് നയിച്ചിടും ഭൂലോകരെ

ഭൂമി വിളവ് നമുക്ക് നന്നായേകി

ഈശ്വരന്‍ നമ്മെയനുഗ്രഹിച്ചു

ഭൂലോകവാസികളേ നിങ്ങളീശ്വര-

നാലപിച്ചിടുവിന്‍ കീര്‍ത്തനങ്ങള്‍