സങ്കീര്‍ത്തനം 37

സര്‍വേശനിലാശ്രയിക്ക നന്മ പ്രവര്‍ത്തിച്ചിടുക

ജീവിതമിവ്വിധം സുരക്ഷിതമാക്കിടാം

സര്‍വേശനിലാനന്ദിക്ക സ്വയമങ്ങേ ഏല്‍പ്പിക്കുക

എങ്കിലവിടുന്ന് പ്രവര്‍ത്തിക്കും നമുക്കായ്

സ്വസ്ഥമായി ക്ഷമയോടെ താവക സന്നിധാനത്തി-

ലീശ്വരന്‍ പ്രവര്‍ത്തിക്കുവാന്‍ കാത്തിരിക്കുക

നിന്‍കരത്തിലവിടുന്ന് മുറുകെ പിടിക്കുന്നതാല്‍

കാലൊന്നിടറിയാലും നീ വീണുപോയിടാ

തെല്ലുമസ്വസ്ഥനായിടാ തിന്മ ചെയ്യുവോരെക്കണ്ടും

ചതിവായി ധനം നേടുന്നവരെക്കണ്ടും

പാടില്ല കോപിക്കും ശീലം, മനസ്സൊട്ടുമിളകിടാ

തിന്മയിലേക്കത് ശീഘ്രം നയിക്കും നമ്മെ

നീതിമാനെതിരെ ദ്രോഹാലോചന നടത്തും ദുഷ്ട-

രില്ലായ്മയാകുവാനേറെ താമസമില്ല

നീതിമാനെതിരെ ദുഷ്ടരൂരുന്നതാം വാള്‍കള്‍ പിന്നെ

സ്വന്തം മാറിടത്തില്‍ തന്നെ കുത്തിക്കയറും

കണ്ടൊരിക്കല്‍ ദുഷ്ടന്‍ ദേവതാരു പോലെ തഴപ്പത്

എങ്കിലുമധികകാലം ജീവിച്ചില്ലവന്‍

മറ്റൊരിക്കലതുവഴി പോയി ഞാനവനെത്തേടി

ഇല്ലായ്മയായ്തീര്‍ന്നു അവന്നതിനിടയില്‍