സങ്കീര്‍ത്തനം: 3

എന്നുടെ വൈരികളെത്രയധികമാ-

ണെന്നെയെതിര്‍ക്കുവാനെത്രയോ പേര്‍

ഈശനില്‍ നിന്നും സഹായം വരില്ലെനി-

ക്കെന്നവര്‍ നിത്യവുമോതിടുന്നു

എന്നാലെന്നീശനോയെന്നുടെ ചുറ്റിലും

നിന്നെന്നെക്കാക്കും പരിചയത്രേ

ഏറ്റമഭിമാനത്തോടെന്‍ ശിരസ്സുയര്‍-

ത്തീടുവാന്‍ കാരണക്കാരനീശന്‍

ഉച്ചത്തില്‍ കേണ് വിളിക്കുമ്പോഴീശ്വര-

നുത്തരമേകിടും നിശ്ചയമായ്

നന്നായുറങ്ങിയെഴുനേല്‍ക്കുന്നേന്‍ ദിന-

ന്തോറുമവിടുന്ന് കാക്കുകയാല്‍

വന്‍ സൈന്യമൊന്നെന്റെ നേരേ വന്നെന്നാലും

പേടിക്കയില്ലെന്റെയുള്ളമൊട്ടും

ആയിരത്തെയാട്ടിയോടിക്കുവാന്‍ ശക്ത-

നെപ്പോഴുമെന്‍കൂടെയുള്ളതിനാല്‍