സങ്കീര്‍ത്തനം 41

കാരുണ്യത്തോടെ സര്‍വേശായെന്‍ കുറ്റങ്ങ-

ളെല്ലാം പൊറുത്തെനിക്കേക സൌഖ്യം

ഞാനതിവേഗത്തിലില്ലാതെയായ്തീരാന്‍

കാംക്ഷിച്ചിടുന്നേറെയെന്‍ വൈരികള്‍

ചൊല്ലുന്നു പൊള്ളയാമാശ്വാസവാക്കുകള്‍

രോഗിയെന്നെക്കാണാനെത്തിടുവോര്‍

പിന്നെപ്പുറത്തുപോയ് ഹീനമാം വാക്കുക-

ളെന്നെക്കുറിച്ചവരോതിടുന്നു

എന്‍ രോഗം മാരകമായതിനാല്‍ ഞാനെ-

ഴുന്നേല്‍ക്കുകില്ലെന്ന് ചൊല്ലുന്നവര്‍

എന്നെച്ചവുട്ടി മെതിച്ചിടുവാന്‍ കാലു-

യര്‍ത്തിടുന്നെന്‍ കൂട്ടുകാരന്‍ പോലും

നാഥായെന്‍ തെറ്റുകളെല്ലാം പൊറുത്തെന്നെ

പൂര്‍ണമായ് സൌഖ്യമാക്കീടണമേ

അങ്ങനെ വൈരികളെന്നുടെമേല്‍ ജയം

നേടുവാന്‍ കാരണമാകരുതെ