സങ്കീര്‍ത്തനം 85

കാരുണ്യംകാട്ടി ദേശത്തോട് സര്‍വേശ-

നൈശ്വര്യം സ്ഥാപിച്ചിരിപ്പൂ വീണ്ടും

കുറ്റങ്ങളെല്ലാം ക്ഷമിച്ചു ജനത്തോട്

കോപം വന്നതവിടുന്നടക്കി

നാഥാ പുനരുദ്ധരിച്ചാലും ഞങ്ങളെ

കോപമവസാനിപ്പിക്കണമേ

നാഥാ കോപിക്കുമോ ഞങ്ങളോടെന്നാളും

നീളുമോ രോഷം തലമുറകള്‍

അങ്ങയില്‍ ഞങ്ങളാനന്ദം കൊണ്ടീടുവാന്‍

ഏകുകയില്ലേ നവജീവിതം?

നാഥനരുളുന്നു: "ഏകും സമാധാന-

മെന്നിലേക്കിന്ന് തിരിയുവോര്‍ക്ക്"

തന്നെ മാനിക്കും ജനത്തെ സംരക്ഷിക്കുവാന്‍

നാഥനെപ്പോഴുമൊരുക്കമത്രേ

ഇന്നാട്ടില്‍ വാസം ചെയ്തീടും തന്‍ തേജസ്സ്

ഭൂവില്‍ മുളക്കുംതന്‍ വിശ്വസ്തത

നന്മ നോക്കും സ്വര്‍ഗ്ഗത്തില്‍ നിന്ന് ഭൂമിയെ

ഈശ്വരന്‍ വര്‍ഷിച്ചിടും സമൃദ്ധി