സങ്കീര്‍ത്തനം 74

താവകാടുകളാകും ഞങ്ങളെ നാഥാ

കൈവിട്ടിരിക്കുന്നതെന്തുകൊണ്ട്?

സ്വന്തജനമായ് തെരഞ്ഞെടുത്തോരാമ--

ടിയാരെ തള്ളിക്കളഞ്ഞതെന്ത്?

താവക വാസസ്ഥലമാകും സീയോനില്‍

നാട്ടി ശത്രുക്കള്‍ വിജയക്കൊടി

നാഥാ തവാലയത്തെയവര്‍ നാമാവ-

ശേഷമായ് മാറ്റിക്കളഞ്ഞുവല്ലോ

നാട്ടിലെയാരാധനാലയങ്ങളെല്ലാം

തീയിക്കിരയാക്കിത്തീര്‍ത്തുവല്ലോ

ശേഷിച്ചിട്ടില്ലൊരു ദൈവമനുഷ്യനും

ഏവരും വാളിന്നിരയായിതാ

ആദിയിലേയങ്ങ് ഞങ്ങള്‍ക്ക് രാജാവ്

ഭൂവിതില്‍ രക്ഷകനുമങ്ങ് താന്‍

ഈ ലോകത്തില്‍ ക്രമം ലിവ്യാഥാനെക്കൊന്ന്

സ്ഥാപിച്ചതുമവിടുന്നുതന്നെ

നാഥാ തവ പ്രാവിനെക്കൊടുത്തീടല്ലേ

ക്രൂരമൃഗങ്ങള്‍ക്കാഹാരമായി

പീഡിതര്‍ ലജ്ജിതരാകാനിടയാകാ

പാടട്ടെളിയോരങ്ങേയ്ക്ക് സ്തുതി

വൈരികളെത്രനാളങ്ങേ നിന്ദിച്ചിടും

താവകനാമമവര്‍ ദുഷിക്കും

നാഥാ അവിടുന്ന് ചെയ്തയുടമ്പടി -

യോര്‍ത്ത് ഞങ്ങള്‍ക്കായെഴുന്നേല്‍ക്കണേ